Mini Liebe,

da wieder eis e so wenig über üse Autag hie ds vernäh isch, höcklet d Tante Emma grad ume mau häre u laht chli öppis vom hüttige Mittag ghöre. Dr Urslibursli het sech einisch meh mit sine Chochkünscht wöue brüschte(het o u fein kochet, merci no mau!), aber wos de drum wär gange ds Ässe- allei mit dr Tante Emma- het ne de doch d Angscht packt.
Frage wie, was redt me mit sore aute Gruchsle? oder u we si wieder uf e Tisch spöit? u wenns äch de doch e chli komisch wird so nume ds Zwöit? Churzerhand het dr Urslibursli es neus Gsetz lah verlute, me dörf nümme Weiblein und Männlein allei ds Zwöit ässe u drum het er grad e Astandsdame(AD) engagiert, niemmer gringers aus d Madame Melea wo nid het dörfe ässe(lactöschen lässt grüssen) aber schön chli Konversation betribe… aus Fazit es isch nätt gsih, aber liebe Urslibursli, i ha dr Sheriff gfragt u o die fingts de doch grad chli übertribe mit dere Astandsdame o we si -wie ig ja o no- mit dene AD’s ufgwachse isch. Schön dass sech d Jugend vo hütt no so em Auter vo geschter apasst.

I däm Sinn wünsche ig euch aune frohi Wiehnachts u Güetzizyt u dr Sue schöns Tanneboumuseläse u dene wo sech übere Blödsinn minersits ufrege schribet gschiders.

Adieu
Tante Emma.