23.12.08 Ahgfangä hets ja no ganz guet. Fondü schinuas schlemmä im Housy mit gaaaaanz vilnä bewohner und gest bekannti und weniger bekannt und serigi mit dickä büüch.

Läck isch das fein gsi. Ahschliessend hets ä Foto-präsentation über saschläs afrika-zit gäh.

24.12.08 Nur ei tag speter hets scho grad gaaaanz angers usgseh. no genau drüh bewohner si im housy umä ghuschet. dämentsprächend ruhig isch ou der abä abglüffä. di anderä si traditionsmässig bir family ga fiirä. mit viu ässä, emnä feinä wii und längä gspräch und musig hei mer der abä gnossä.

ufgrund abwäsäheit vo beidnä outorä vo däm biitrag chöi mir nüt zum 25. dez. auso wiähnachtsabä sägä. us vertrouenswrürdiger quellä hei mir jedoch erfahrä, dass das housy “wüst und leer war” zu jener zit.

26.12.08 dürä tag nuuschet jedä chlei öppis für sich… harry versuecht (mau wider) ds zimmer uf ds ruumä, d laura packt quasi 24. stund lang und am rölu sis moos isch ah dä mässer zum opfer gfauä. am abä si mer jedoch wieder vereint am tisch. mit fondü (mit ohni fleisch aber chäs) und emnä fium hei mir d gmeinschaft gnossä. (kei kommentar zum fium) (mir 2 hei nä guet gfundä, auso isches ja wou ä guetä fium!)

27.12.08 hüt morgä hets feini gipfeli gä (vo mir kouft…) (ich=Laura) jetz herrscht ufbruchstimmig. es wird ufbrochä zu praisecamp, und snowcamp und überhoupt camp… aber kei angst ds housycamp geit natürläch witer!!! rölu und eva und thisu fröiä sich natürläch immer über bsuech.

halo (schlusskomentar vo kollega harry).. höhöhöö… (man beachte bitte die präzise rechtschreibung!!)

auso. mir müässä mau los. harry muess no packä!

tschü

Laura & Harry